Navigation Path: Home > Bank Ċentrali Ewropew > L-ewwel għaxar snin

L-ewwel għaxar snin

1998		1999		2000	2001	2002	2003	2004	2005	2006	2007	2008		2009	2010	2011	2012	2013	2014	2015	2016	...

	Twaqqif tal-BĊE (1 ta' Ġunju 1998)												L-10 anniversarju tal-BĊE (1 ta' Ġunju 2008)
			L-introduzzjoni tal-euro (1 ta' Jannar 1999)											L-10 anniversarju tal-euro (1 ta' Jannar 2009)
						L-introduzzjoni tal-karti tal-flus u l-muniti tal-euro (1 ta' Jannar 2002)

1998		1999		2000	2001	2002	2003	2004	2005	2006	2007	2008		2009	2010	2011	2012	2013	2014	2015	2016	...

L-għaxar anniversarju tal-euro u tal-Eurosistema

L-1 ta' Jannar 2009 ħabat l-għaxar anniversarju tal-euro u tal-Eurosistema. Sewwasew għaxar snin qabel

ġie introdott l-euro, l-ewwel bħala mezz ta' ħlas elettroniku (il-karti tal-flus u l-muniti daħlu fiċ-ċirkolazzjoni fl-2002),
il-BĊE u l-banek ċentrali tal-pajjiżi tal-UE li adottaw l-euro ngħaqdu biex ħolqu l-"Eurosistema", u
l-awtorità monetarja għall-munita l-ġdida għaddiet għand il-Kunsill Governattiv tal-BĊE.

Illum, il-munita unika tintuża f'żona li tkopri medda li minn Ċipru tasal sal-Irlanda u mill-Portugall tasal sal-Finlandja. Iżjed minn nofs l-Istati Membri tal-UE diġà adottaw l-euro.

Logos tal-anniversarju

Għaċ-ċelebrazzjoni tat-tliet anniversarji, inħoloq logo bi tliet varjanti. Il-logo kien jgħaqqad l-element viżiv ma'

"Bank Ċentrali Ewropew",
"Eurosistema", jew
"Sistema Ewropea ta’ Banek Ċentrali",

u l-kliem "L-ewwel għaxar snin".

L-element viżiv fih it-12-il stilla tal-bandiera tal-Unjoni Ewropea f'ċirku inklinat, li fuqhom parzjalment hemm in-numru "10" kif jidher fuq in-naħa ta' quddiem tal-karta ta' €10.

1 ta' Ġunju 1998: it-twaqqif tal-BĊE

Il-BĊE twaqqaf fl-1 ta' Ġunju 1998. B'hekk kellu seba' xhur biex iħejji għad-dmirijiet il-ġodda, li kienu

it-tibdil tal-muniti ta' grupp ta' stati sovrani b'munita unika, u
it-tfassil ta' politika monetarja għaż-żona tal-euro li kienet għadha kemm twieldet.

Minn dak iż-żmien, il-BĊE, bħala l-"kaptan" tat-tim tal-Eurosistema – is-sistema ta' banek ċentrali taż-żona tal-euro – baqa' jmexxi l-politika monetarja għall-pajjiżi fi ħdan l-unjoni monetarja. L-għan ewlieni tiegħu hu l-istabbiltà tal-prezzijiet għal żmien medju, għax il-prezzijiet stabbli huma l-bażi għat-tkabbir ekonomiku sostenibbli u r-risq fl-Ewropa.

Fl-1 ta' Ġunju 1998 twaqqfet ukoll is-"Sistema Ewropea ta' Banek Ċentrali", il-qafas istituzzjonali magħmul mill-BĊE u mill-banek ċentrali tal-Istati Membri kollha tal-UE.

Ġrajjiet tal-anniversarju

L-anniversarju tal-BĊE fl-2008 ġie ċċelebrat b'diversi ġrajjiet, fosthom:

13–14 ta' Novembru (għall-mistednin biss): il-5 Konferenza tal-BĊE għall-Banek Ċentrali – lezzjonijiet u sfidi wara għaxar snin ta' Unjoni Ekonomika u Monetarja
2 ta' Ġunju: iċ- ċerimonja uffiċjali, li għaliha attendew bosta personalitajiet politiċi magħrufa
1 ta' Ġunju: Jum għaż-Żjarat fil-bini tal-BĊE, il-Eurotower

lura għall-bidu

Cross-navigation Menu

Publications

Special edition of the ECB Monthly Bulletin, 2.2 MB

Founding fathers on the future of Europe

Transcript of the discussion