Kooperazzjoni Ewropea

Rabtiet mill-qrib ma’ l-istituzzjonijiet ta’ l-UE

Il-BĊE huwa parti mill-istruttura istituzzjonali ta’ l-Unjoni Ewropea (UE). Dan iżomm relazzjonijiet mill-qrib ma’ l-istituzzjonijiet u mal-fora ta’ l-UE. It-Trattat li jistabbilixxi l-Komunità Ewropea (Trattat tal-KE) jispeċifika kuntatti formali bejn il-BĊE u l-istituzzjonijiet u l-fora ta’ l-UE, bħal ma huma l-preżentazzjoni tar-Rapport Annwali tal-BĊE mill-President tal-BĊE lill-Parlament Ewropew u l-parteċipazzjoni tiegħu fil-laqgħat tal-Kunsill ta’ l-UE.

Il-BĊE huwa interessat ukoll fil-politika ekonomika immexxija minn organi oħra responsabbli għat-tfassil tal-politika. Iżomm djalogu miftuħ u skambju ta’ opinjonijiet mal-Kunsill ta’ l-ECOFIN, ma’ l-Eurogroup, mal-Kummissjoni, mal-gvernijiet nazzjonali u ma’ l-isħab soċjali.

Għal iżjed dettalji, ara

• Ir-relazzjonijiet tal-BĊE mal-istituzzjonijiet u l-korpi tal-Unjoni Ewropea - tendenzi u prospetti, Artiklu fil-Bullettin ta' Kull Xahar, Jannar 2010,  pdf 175 kB, en
•  

lura għall-bidu tal-paġna

Laqgħat fuq livell ta’ l-UE

• B’mod konformi mad-dispożizzjonijiet tat-Trattat tal-KE, il-BĊE jista’ jieħu sehem fil-laqgħat tal-Kunsill ta’ l-UE (normalment il-Kunsill ta’ l-ECOFIN) kull meta jiġu diskussi kwistjonijiet ta’ relevanza għall-kompetenzi tal-BĊE.
• Il-President tal-BĊE huwa wkoll mistieden jipparteċipa fil-laqgħat ta’ l-Eurogroup, fil-laqgħat informali regolari tal-ministri tal-finanzi taż-żona ta’ l-euro.
• Il-BĊE huwa membru ta’ bosta Kumitati ta’ l-UE, b’mod partikolari tal-Kumitat Ekonomiku u Finanzjarju, tas-Supplenti tiegħu u tal-Kumitat tal-Politika Ekonomika. Dawn il-kumitati kollha għandhom rwol ewlieni fil-koordinament tal-politika ekonomika ta’ l-Istati Membri ta’ l-UE.
• Il-BĊE jipparteċipa wkoll fid-Djalogu Makroekonomiku, li jlaqqa’ flimkien lill-Istati Membri, lill-Kummissjoni Ewropea u lill-isħab soċjali ta’ l-UE.

Il-BĊE huwa f’kuntatt regolari mad-Direttorati Ġenerali tal-Kummissjoni Ewropea (bħad-DĠ ECFIN, DĠ MARKT u Eurostat). Il-BĊE jattendi laqgħat ta’ gruppi ħaddiema speċjalizzati tal-Kummissjoni u jżomm kuntatti regolari fil-livell ta’ l-esperti. lura għall-bidu tal-paġna

Responsabbiltà

Il-BĊE huwa responsabbli għall-Parlament Ewropew għad-deċiżjonijiet tal-politika tiegħu. Dawn l-obbligi ta’ responsabbiltà lejn in-nies ta’ l-Ewropa u lejn ir-rappreżentanti eletti tagħhom iservu bħala kontrapiż għall-indipendenza tal-BĊE. Il-President tal-BĊE jirrapporta lill-kumitat kompetenti tal-Parlament Ewropew, lill-Kumitat dwar l-Affarijiet Ekonomiċi u Monetarji, fuq bażi ta’ kull tliet xhur. Barra minn hekk, membri oħra tal-Bord Esekuttiv dehru quddiem il-Parlament Ewropew sabiex jixhdu fuq kwistjonijiet varji li għandhom x’jaqsmu mal-kompetenzi tal-BĊE. lura għall-bidu tal-paġna

Ir-relazzjonijiet tal-BĊE mal-fora u l-istituzzjonijiet ewlenin ta’ l-UE ( 1 )

lura għall-bidu tal-paġna