Navigation Path: Home > L-Euro > Muniti > L-Awstrija

L-Awstrija

L-Awstrija għażlet li tipproduċi serje ta’ muniti li juru fjuri, arkitettura u nies famużi mill-istorja tagħha. Id-disinji ġew magħżulin minn ġurija nazzjonali u mill-opinjoni pubblika. L-artist Awstrijak Josef Kaiser ħoloq id-disinji.

€2

Din turi l-bust tal-paċifista Bertha von Suttner, simbolu ta’ l-isforzi ta’ l-Awstrija matul bosta sekli biex issostni l-paċi. L-ittri tul ix-xifer tal-munita taż-2 euro: 2 EURO ***, imtennija erba’ darbiet, darba weqfin u darba maqlubin.

€1

Din il-munita turi lil Wolfgang Amadeus Mozart, il-kompożitur famuż Awstrijak, b'referenza għall-Awstrija bħala pajjiż tal-mużika.

50 ċenteżmu

naħa nazzjonali tal-munita tal-50 ċenteżmu

Din il-munita turi l-bini tas-seċessjoni fi Vjenna, eżempju tat-twelid ta’ l-art nouveau fl-Awstrija. Il-bini hu simbolu tat-twelid ta’ era ġdida, u jirrappreżenta pont għal era monetarja ġdida.

20 ċenteżmu

naħa nazzjonali tal-munita ta’ l-20 ċenteżmu

Din il-munita turi l-Palazz Belvedere, wieħed mill-aktar palazzi barokki sbieħ fl-Awstrija. Kien hemmhekk li ġie ffirmat it-Trattat li stabbilixxa mill-ġdid is-sovranità ta’ l-Awstrija fl-1955, u b’hekk l-isem sar sinonimu tal-libertà.

10 ċenteżmi

naħa nazzjonali tal-munita ta’ l-10 ċenteżmi

Din turi l-Katidral ta’ San Stiefnu, wieħed mill-ġojjelli ta’ l-arkitettura Gotika Vjenniża u post turistiku popolari.

5 ċenteżmi

Din turi primuli alpini, bħala parti mis-serje tal-fjuri; dawn il-fjuri huma simbolu ta' impenn lejn l-ambjent u tar-rwol ta' l-Awstrija fl-iżvilupp tal-politika ambjentali tal-Komunità.

2 ċenteżmi

Din il-munita turi l-edelweiss, bħala parti mis-serje tal-fjuri, li tissimbolizza impenn lejn l-ambjent u r-rwol ta' l-Awstrija fl-iżvilupp tal-politika ambjentali tal-Komunità.

1 ċenteżmu

Din il-munita turi ġenzjana, bħala parti mis-serje tal-fjuri, li tissimbolizza impenn lejn l-ambjent u r-rwol ta' l-Awstrija fl-iżvilupp tal-politika ambjentali tal-Komunità.

lura għall-bidu tal-paġna

Cross-navigation Menu

In-naħat kollha