Ċaħda ta’ responsabbiltà u ħarsien tad-drittijiet tal-awtur
Użu tal-isem u tal-logo tal-BĊE u politika dwar il-privatezza tad-dejta u tal-korrispondenza elettronika personali

Ċaħda ta’ responsabbiltà

Il-Bank Ċentrali Ewropew (BĊE) iżomm dan is-sit biex itejjeb l-aċċess tal-pubbliku għall-informazzjoni dwar l-attivitajiet tiegħu u tas-Sistema Ewropea ta’ Banek Ċentrali (SEBĊ). L-għan tagħna hu li nżommu din l-informazzjoni aġġornata u eżatta. Madankollu, il-BĊE ma jaċċetta l-ebda responsabbiltà għad-danni għal dak li għandu x’jaqsam mal-materjal li jinsab f’dan il-websajt.

Dan il-materjal:

• jikkonsisti f’informazzjoni ta’ natura ġenerali u mhux maħsub biex jindirizza ċ-ċirkostanzi speċifiċi ta’ individwi jew entitajiet partikolari;
• hu kultant illinkjat ma’ websajts esterni li fuqhom il-BĊE ma għandu l-ebda kontroll u li għalihom il-BĊE ma jassumi ebda responsabbiltà;
• ma jikkostitwixxix parir professjonali jew legali.

Waqt li r-rati ta’ referenza tal-kambju tal-euro u informazzjoni oħra dwar prezzijiet ippubblikati f’dan il-websajt huma bbażati fuq sorsi li l-BĊE jqis li huma affidabbli, il-BĊE ma jaċċetta ebda responsabbiltà għal kwalunkwe telf li wieħed jista’ jġarrab minħabba kwalunkwe deċiżjoni, azzjoni jew nuqqas ta’ azzjoni min-naħa ta’ kwalunkwe parti abbażi ta’ tali pubblikazzjonijiet dwar ir-rati u l-informazzjoni msemmija hawn fuq. B’mod partikolari, il-BĊE ma jaċċetta ebda responsabbiltà għal kwalunkwe telf ekonomiku jew kwalunkwe telf indirett jew konsegwenzjali, jew ħsara, inkluż, bla limiti, telf ta’ negozju u telf ta’ qligħ, bħala konsegwenza diretta jew indiretta ta’, jew b’konnessjoni mal-pubblikazzjoni tar-rati ta’ referenza jew informazzjoni oħra dwar prezzijiet mill-BĊE, inkluża l-frekwenza ta’ tali pubblikazzjoni jew l-użu tar-rati ta’ referenza u informazzjoni oħra dwar prezzijiet minn kwalunkwe persuna.

Jekk jogħġbok innota li d-dokumenti jew l-informazzjoni l-oħra tal-BĊE li huma disponibbli f'dan il-websajt mhumiex iggarantiti biex jirriproduċu b’mod eżatt it-testi adottati uffiċjalment. L-istrumenti legali tal-BĊE biss kif ippubblikati fl-edizzjonijiet stampati tal-Ġurnal Uffiċjali tal-Unjoni Ewropea u verżjonijiet stampati ppubblikati ta’ dokumenti u/jew dejta oħra tal-BĊE, huma meqjusin awtentiċi.

L-għan tagħna hu li nnaqqsu t-tfixkil li jinqala’ minħabba żbalji tekniċi. Madankollu, il-BĊE ma jistax jiggarantixxi li s-servizz tiegħu ma jkunx interrott jew b’xi mod ieħor milqut minn problemi tali. Il-BĊE ma jaċċetta ebda responsabbiltà għal dak li għandu x’jaqsam ma’ kwalunkwe problema li sseħħ minħabba l-użu ta’ dan il-websajt jew ta’ kwalunkwe websajt estern illinkjat miegħu.

Din iċ-ċaħda ta’ responsabbiltà mhijiex intiża biex tillimita r-responsabbiltà tal-BĊE b’kontravenzjoni ta’ kwalunkwe rekwiżit stabbilit fil-liġi nazzjonali applikabbli u lanqas ma hi maħsuba biex teskludi r-responsabbiltà tiegħu għal kwistjonijiet li ma jistgħux jiġu esklużi skond tali liġi.

Jekk tidħol fi kwalunkwe parti tal-websajt tal-BĊE, tkun meqjus li tkun aċċettajt dak li hu miktub hawn fuq.

lura għall-bidu

Ħarsien tad-drittijiet tal-awtur

Il-jeddijiet tal-awtur © għall-kontenut kollu ta’ dan il-websajt huma miżmuma mill-Bank Ċentrali Ewropew, Frankfurt am Main, Ġermanja.

Bla ħsara għall-eċċezzjoni msemmija hawn taħt, l-utenti jistgħu jużaw, bla ħlas, l-informazzjoni li jieħdu direttament mill-websajt tal-BĊE, bil-patt li josservaw il-kondizzjonijiet li ġejjin:

1. It-tixrid u r-riproduzzjoni ta' din l-informazzjoni għandhom isiru b'mod eżatt u kull darba li jsir dan, għandu jiġi msemmi l-BĊE bħala s-sors.
2. Fejn l-informazzjoni tiġi inkorporata f’dokumenti li jkunu għall-bejgħ (ikun xi jkun il-mezz), il-persuna fiżika jew ġuridika li tkun qed tippubblika l-informazzjoni għandha tavża lix-xerrejja, kemm qabel kwalunkwe abbonament jew ħlas, kif ukoll kull darba li jużaw l-aċċess għall-informazzjoni meħuda mill-websajt tal-BĊE, li l-informazzjoni tista’ tittieħed bla ħlas permezz tal-websajt tal-BĊE.
3. Jekk l-utent jittrasforma l-informazzjoni (p.e. permezz ta’ aġġustamenti staġjonali ta’ dejta statistika, kalkoli ta’ rati ta’ tkabbir) dan għandu jiġi ddikjarat espliċitament.
4. Meta wieħed jidħol fil-websajt tal-BĊE minn siti tan-negozju jew għal għanijiet ta’ reklamar, il-websajt tal-BĊE għandu jkun l-uniku element tat-tieqa tal-brawżer (jiġifieri, m’għandux jidher inkwadrat fil-qafas ta’ websajt ieħor).

B‘eċċezzjoni għal dak li jidher hawn fuq, hi permessa kwalunkwe riproduzzjoni, pubblikazzjoni jew stampar, sħaħ jew parzjali, ta’ dokumenti li jġibu isem l-awtur(i) tagħhom, bħal Dokumenti tax-Xogħol tal-BĊE u Dokumenti Okkażjonali tal-BĊE, taħt sura ta’ pubblikazzjoni differenti, kemm stampata, kemm prodotta elettronikament, u dan biss bil-permess tal-BĊE jew tal-awtur(i), espliċitu u bil-miktub u mogħti minn qabel.

lura għall-bidu

Użu tal-isem u tal-logo tal-BĊE

Il-BĊE jaf li l-isem u l-logo tiegħu qiegħdin dejjem iżjed jintużaw b'abbuż minn terzi persuni diversi fir-rigward ta' transazzjonijiet finanzjarji foloz u attivitajiet qarrieqa oħra. F'xi każijiet, il-BĊE jissemma saħansitra bħala l-bank li permezz tiegħu jkunu se jsiru l-pagamenti jew transazzjonijiet.

F'dan ir-rigward, il-BĊE jixtieq ifiehem li ma jipprovdix servizzi bankarji kummerċjali lil individwi jew lil entitajiet korporattivi, u b'mod partikolari, li ma jiġborx drittijiet għal trasferimenti trans-konfini u ma jaċċettax depożiti mingħand dawn il-persuni, u ma joħroġx ċertifikati għar-rilaxx ta' fondi. Għaldaqstant, il-BĊE javża lill-pubbliku biex ma jistabbilixxi ebda kuntatt ma dawk li joħolqu dawn il-proġetti u biex ma jibgħatx flus u ma jiżvelax dettalji tal-bank jew tal-kards ta' kreditu lil kull min jgħid li qed jirrappreżenta lill-BĊE jew li għandu xi relazzjoni bankarja mal-BĊE.

Il-BĊE jixtieq javża wkoll li ma jistax jinżamm responsabbli jekk l-isem, il-logo jew l-indirizz tiegħu jiġu użati b'abbuż fi skemi maħsuba biex iqarrqu bil-pubbliku. Jekk xi membru tal-pubbliku jara jew jirċievi xi dokumentazzjoni dubjuża li tirreferi għal, jew li tallega li ġejja mill-BĊE, dan għandu minnufih jagħmel rapport dwar dan lill-awtorità lokali għall-infurzar tal-liġi jew jieħu parir mingħand l-awtoritajiet nazzjonali rilevanti.

lura għall-bidu

Politika dwar il-privatezza tad-dejta u tal-korrispondenza elettronika personali

Il-BĊE hu marbut li jħares il-privatezza tal-utenti. Hu jipproċessa d-dejta personali tiegħek għal skopijiet deskritti hawn taħt biss; ma jxandarhiex għal skopijiet kummerċjali.

L-informazzjoni personali kollha tiġi pproċessata skond ir-Regolament (KE) Nru 45/2001 u skond ir-regoli tal-BĊE dwar is-sigurtà tat-teknoloġija informatika u dwar il-konfidenzjalità.

X'informazzjoni jiġbor il-BĊE permezz tal-websajt tiegħu?

Informazzjoni rreġistrata mis-servers tal-BĊE

Cookies huma fajls żgħar ta' dejta mibgħuta minn server ta' websajt lill-brawżer tal-kompjuter tiegħek. Il-brawżer jgħid lis-server meta terġa' żżur dik il-websajt partikolari. Il-Cookies jgħinuna naħżnu l-preferenzi u x-xejriet tal-użu tal-utent fuq bażi aggregata.

Informazzjoni rreġistrata – Is-servers jirreġistraw awtomatikament l-informazzjoni li jibgħat il-brawżer tiegħek meta żżur xi websajt. Din l-informazzjoni rreġistrata tas-server tista' tinkludi informazzjoni bħad-dejta u l-ħin taż-żjara tiegħek, l-indirizz tal-Protokoll tal-Internet tiegħek, it-tip tal-brawżer, il-lingwa tal-brawżer, id-daqs tal-iskrin tal-brawżer, u cookie waħda jew iżjed li jidentifikaw il-brawżer tiegħek. L-informazzjoni li niġbru tintuża biss biex tinġabar l-istatistika, fuq bażi aggregata, dwar l-użu tas-sit tagħna.

Informazzjoni rreġistrata minn servers ta' terzi

Google Analytics – Il-websajt tal-BĊE juża Google Analytics , servizz estern, biex tinġabar statistika dwar l-użu tal-websajt tiegħu. L-informazzjoni mibgħuta mill-brawżer tintbagħat ukoll lis-servers imħaddma minn Google, u tintuża biex tipprovdi lill-BĊE bi statistika aggregata dwar l-għadd ta' żjarat bi brawżer, xejriet ta' użu, u tiftix li jsir fis-sit tal-BĊE.

Google għandu politika tal-privatezza tiegħu. Google jiċċertifika hu stess il-konformità mal-qafas "Safe Harbor" UE-U.S. li d-Dipartiment tal-Kummerċ Amerikan żviluppa f'konsultazzjoni mal-Kummissjoni Ewropea biex jissodisfa l-istandard tal-"adegwatezza" Ewropea għall-ħarsien tal-privatezza.

Informazzjoni personali kkommunikata permezz ta' websajt jew bl-e-mail

Minbarra li tista' tikkuntattja lill-BĊE permezz tal-indirizzi tal-e-mail li jidhru f'dan il-websajt, tista' tikkuntatjana wkoll permezz ta' servizzi elettroniċi bħal formola biex tibbukkja żjara, fejn l-informazzjoni personali tiegħek hi meħtieġa biex inkunu nistgħu nipprovdu s-servizzi li tixtieq.

Kif inħarsu u nipproteġu l-informazzjoni tiegħek?

L-informazzjoni f’dan il-websajt hi koperta b'sistema ta' protezzjoni tad-dejta personali u permezz ta’ politika ta’ privatezza tal-e-mail.

Bażi legali – Il-politika dwar il-ħarsien tal-individwi fir-rigward tal-ipproċessar tad-dejta personali tagħhom mill-istituzzjonijiet u l-korpi Komunitarji hi bbażata fuq ir-Regolament (KE) Nru. 45/2001 tal-Parlament Ewropew u tal-Kunsill tat-18 ta' Diċembru 2000. Il-BĊE jipproċessa d-dejta personali skond dan ir-Regolament.

Kontrollur għall-Ħarsien tad-Dejta – Fi ħdan il-BĊE, l-Uffiċjal għall-Ħarsien tad-Dejta jiżgura li jiġu applikati d-dispożizzjonijiet tar-Regolament imsemmi hawn fuq u jagħti pariri lill-kontrolluri dwar it-twettiq tal-obbligi tagħhom (ara l-Artikolu 24 tar-Regolament).

Il-Kontrollur Ewropew għall-Ħarsien tad-Dejta jaġixxi bħala awtorità ta’ sorveljanza indipendenti għall-istituzzjonijiet u għall-korpi kollha tal-UE (ara l-Artikoli 41 sa 45 tar-Regolament (KE) Nru. 45/2001).

Servizzi elettroniċi – għal kull servizz elettroniku speċifiku li joffri l-BĊE, hemm kontrollur li jiddetermina l-iskopijiet ta', u l-mezzi għall-ipproċessar tad-dejta personali mibgħuta u jiżgura li tikkonforma mal-politika tal-privatezza.

E-mails – Tinġabar biss dik id-dejta personali tiegħek li tkun meħtieġa għat-tweġiba. Jekk ikollok xi mistoqsijiet dwar l-ipproċessar tal-e-mails tiegħek u dejta personali relatata, toqgħodx lura milli tinkludihom fil-messaġġ tiegħek.

Websajt għar-reklutaġġ – Informazzjoni speċifika dwar il-ħarsien tad-dejta li tikkonċerna l-użu ta’ dejta personali għal għanijiet ta’ reklutaġġ tinsab fil-websajt separat tal-BĊE għar-reklutaġġ"Working for Europe”.

lura għall-bidu